 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Трава зялёнае полымя
Якое разьдзімаюць дажджы і сонца
Як толькі сыдзе сьнег
Яно распаўзаецца па зямлі
І нельга траву спыніць
Трава ўсё ператрывае
І вастрыё плуга і вастрыё касы
І толькі сьцежкам і дарогам
Трава саступае мейсца
Але і то да таго часу
Пакуль я па іх хаджу
Трава ведае якая яна трава
Яна можа даць сілу
І можа забраць жыцьцё
Трава сябруе зь ветрам
У якога няма сваёй хаты
І толькі сьнег варагуе з травой
Бо ён ня ведае што такое трава
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
